FUQ IL-PJAN TA’ TMIEN PUNTI PROPOST MINN GĦAL GĦAWDEX.
Dan sar f’laqgħa formali biex jiddiskutu u jsibu konverġenza fuq il-Pjan ta’ Tmien Punti imniedi minn Għal Għawdex. Din il-laqgħa segwiet il-pubblikazzjoni tar-reazzjoni tal-GRDA għall-pjan propost.
Il-GRDA u l-Forum Għal Għawdex jaqblu bis-sħiħ fuq ħafna mill-proposti, bi qbil sħiħ fuq punti 1, 3, 4 u 5.
Il-GRDA u Għal Għawdex ġeneralment jaqsmu l-istess fehmiet dwar il-punt 2(c), li bih ODZ għandu jiġi ppreservat. Gie maqbul li ssir aktar diskussjoni fir-rigward tal-punti 2(a) u 2(b).
Il-partijiet jaqblu fil-prinċipju fir-rigward tal-Punt 6 li jitlob l-osservanza stretta taż-żona ta’ buffer ta’ 150 metru madwar bini u monumenti storiċi u skedati.
Dwar Punt 7 il-GRDA u l-Forum jaqblu li hemm bżonn ta’ analiżi aktar profonda biex titqies il-konġestjoni li qed tiġi kkawżata f’Għawdex billi jiżdied l-użu tal-vetturi bil-mutur.
Dwar il-punt 8 dwar interpretazzjoni korretta u infurzar strett tal-politiki, regoli u regolamenti attwali, il-GRDA u l-Forum jaqblu wkoll u jistennew li tingħata l-akbar importanza lill-policies G1, G2 u G3 ta’ DC2015, mill-Awtorità tal-Ippjanar, fid-deċiżjonijiet tagħha.
Ritratt meħud minn: Daniel Cilia